Alexandria, Egypt
أنا واد حرك
طول عمرى غاوى حركنة
وهوايتى هى الجدعنة
كلى نظر
بالبيضة بالعب والحجر
أنا واد خطر
كل العيال فى الجيهة تعملّى حساب
وان حد هوب يمتى
أو جه قصادى ف سكتى
أنا اخرشمه
أنا اكلضمه
أضرب دماغه فى الرصيف
أنا واد خفيف
وما بختشيش
فى الشلة دايماً بابقى باين
أتخن تخين ما يهمنيش
أنا واد حدق
ألعب ورق
حريف .. وعمرى مااتسرق
ولا عمر ورقة ما تتحرق
آل تتحرق!
فى الطاولة أخش
أنزل بدش :raiin:
واقٌرص دبش
ما يهمنيش شغل البكش
ولا عمر حظ ما همنى
ولا حتى مسكة يك مرّة تهزنى
محبوسة .. عادة.. وحتى بالعب جلبهار
معاييش فلوس لكن جدع
ألعب بصاغ واكسب جِنى
آخر دلع!
أنا واد جدع : شجيع:
أنا واد شجيع
ف العركة بابقى شىء مريع
أضرب دماغ فيها الشفا
ولاّ القفا..
لما ارقعه..
ينزل على أجعص جعيص بيبلمه
بيحرمه يعمل جدع
