عاشق سارح فى الملكوت .. ميهموش العمر يفوت

يدفع فى الحريه حياته .. ولو اتكتف للحظه يموت

قلبه بيبرق زي الماس .. ولا يملك غير الاحساس

غرقان في جروحه وآلامه .. وبيداوي في جروح الناس

بايع قلبه للي يحبه .. ومعندوش للحب شروط

عاشق سارح فى الملكوت .. ولو اتكتف للحظة يموت

طير فى السما و ملوش عنوان .. وفي ايده خاتم سليمان

كان عايز من الضحكه يغير.. ويدوب كل الاحزان

عاش الحلم كانه حقيقة .. وافتكر ان الدنيا بريئة

من طيبته سلم لحبيبته .. وحبيبته بتبيع في دقيقة

فوق واتحرر من اوهامك .. العمر بيخلص قدامك

الطير مش هيطير في جهنم .. ومفيش سمكة بتعشق حوت