أنا كلى مقرية فى عينى .. شكلى واضح .. طبعى واضح .. صوتى من زعيئى رايح .. ضحكتي و حزنى فضايح قلبى فى كل اللى حوالين منه طايح.

مش قديمة لكن قديمة .. مؤمنة ان الكلمة حاجة ليها قيمة .. يعنى بالتالي تﻻقينى ليل نهار بدى نصايح.

عاملة زى الشربة صعبة بس بتسهل كتير .. احلى حاجة فيا هى نفسها عيبى الكبير ..
لو عايزنى خدنى أنا و نفسى على بعض .. شروة واحدة أنا أصلى نازلة عليا عرض .. يعنى كله بسعر واحد .. أنا و جاي معايا جنونة و ضمير.

اشترينى لو بتفهم فى التحف و الانتيكات .. حاجة سنيية من زمن ايام ما كانو البنات لسا بنات .. حاجة مش مستعملة .. حتة مش متبهدلة ، هختصرلك وصفى و افهم .. ست بيت على عيلة.

الطبيخ بيحب يبقى من ايدية .. و الضفاير بردو بعملها بإيدية .. ييجى وقت عليا ءأنتخ .. و أوقات تانى تشوفني و كأنى كتيبة رايحة جاية ، اوعى تفتكر انى ملبوسة كفا الله الشر ﻻ أنا عادية .

لما هتكلمنى فى أحوال البلد دى هتﻻقى صوتى أد صوتك .. و ان نادتلى بكلمة حلوة فجأة هتحول لشادية .. اللى قدامك دى واحدة بجد مجنونة و دوشة .. و بردو بنت حﻻل و هادية.

الخﻻصة ، لو بتفهم فى المعادن و الاصول .. يبقى مش محتاجة