صديقى الإلكترونى
تحيه طيبه و بعد ؛
لضمان علاقة صداقه إلكترونيه سليمه أتمنى إنها تدوم أحب فقط أوضح إنى شخص بلا أهميه تمامًا .. مجرد شخص حاطط صوره "نضيفه" و بيقعد على "الفيسبوك" يكتب رأيه كل اما يبقى عنده وقت فاضى .
* رأيى مش كاتبه عشان يعجب حضرتك .. رأيى كاتبه عشان هوا رأيى و قلتله عشان مقتنع بيه و ف الأغلب مش هيعجبك و بناءًا عليه إنك تدخل تتشنج عندى ف التعليقات لأنك ليك رأى مختلف دى حاجه تضايقنى لأن خلقة ربنا إن الناس يبقى ليها آراء مختلفه .. قول رأيك ببساطه و نتعارض و نختلف و نتناقش و بعدين كل واحد حر .
* "الفيسبوك" وسيله عشان تكتب "حالتك" فى ظرف معين و مش مُطالب انى اشرحلك بنيت رأيى دا على إيه و شوفت إيه و سمعت إيه و قريت إيه عشان أكتب اللى كتبته .. و برضه مش مُطالب إنى كل أما أعمل حاجه أو أروح ف حته أجيبلك ورقه ماضى عليها اتنين موظفين .. فيه "تايم لاين" ممكن ترجع ليه و تشوف وقت الثوره قلت ايه .. ووقت المجلس العسكرى قلت ايه .. و ف مولد النبى قلت ايه و هكذا .. الموضوع ابسط من كدا .. و الحياه ابسط من كدا .
* لو شايف إنى جاهل .. بفتى .. بكتب عشان "لايكات" .. بنات .. شهره .. عشان ع
