August 6, 2018

NITIN MANNA   August 6               Tlawngkai Nikhat       Theih baan lo ih Nung   Pathian zaangfahnak cu a va tuum so! A fimnak le a theihnak hi a va thuk lawmmam so! A thu relcatmi pawl hi zoso a hrilhfiah thei ding? A fehnak lamzin hi zoso a zong thei ding? Ca Thianghlim in, “Bawipa ih thinlung cu zo in so a thei? Ruahnak a pe theitu an um maw? Ziangahtile ziang hmuahhmuah cu Amah ih sersiammi, Amah hrangih ummi le Amah hrangah an si ṭheh. Pathian hnenah kumkhua in sunlawinak cu um ko see! Amen. – Rom 11:33-34, 36   Tuni thuthangca (news) ah nauhak pakhat cu a nu le a pa in ei-in khopkham in an pe lo, hri in an ṭem timi thu ka siar ngah. Zianghman ka bawm thei lo nain, “Bawipa, ziangruangah hiti vekin thil na cangter siang? Ziangti’n na ruat?” ti’n, Pathian hnenah thlacam sak phah in thu ka sut.   Tuarnak thu ka zirzoi deuhdeuh, Pathian thawn caan reipi ka umtlang deuhdeuh tikah ka theih thei lomi thil an tam sinsin. Fiang te’n sim sehla, mi pakhat in harsatnak thu le Pathian ih t