የአሜሪካው አሽሊ ፈርኒቸር ምርቶቹን በኢትዮጵያ ገበያ መሸጥ ሊጀምር ነው።

ሐምሌ 5 2017

የአሜሪካው አሽሊ ፈርኒቸር ምርቶቹን በኢትዮጵያ ገበያ መሸጥ ሊጀምር ነው።

ለዚህም ሲባል አሽሊ ፈርኒቸር ከሀገር ቤቱ ዩስራ ሆም ጋር ስምምነት አስሯል።

የስምምነት ፊርማው ትናንት ምሽት በብሔራዊ ቤተ መንግሥት ውስጥ በሚገኘው ፖላስ ኮርት ተፈርሟል።

የአሜሪካ አምባሳደር ኢርቪን ማሲንጋ፣ ዲፕሎማቶች፣ የቢዝነስ አቀላጣፊዎችና ሌሎችም በፊርማ ስነ ስርዓቱ ወቅት ተገኝተዋል።

በዩስራ ሆምስ በኩል በኢትዮጵያ ምርቶቹን በቀጥታ መሸጥ የሚጀምረው አሽሊ ፈርኒቸር ኢንዱስትሪዎች በዓለም ላይ ትልቁ የቤት ዕቃዎች አምራች መሆኑ ይነገርለታል፡፡