በኢትዮጵያ በሰሜኑ ጦርነት ምክንያት ቁጥራቸው ከፍተኛ የሆኑ ሴቶች ላይ ጾታዊ ጥቃት እንደደረሰባቸው የተለያዩ ጥናቶች ያስረዳሉ፡፡

ታህሳስ 24/2018

በኢትዮጵያ በሰሜኑ ጦርነት ምክንያት ቁጥራቸው ከፍተኛ የሆኑ ሴቶች ላይ ጾታዊ ጥቃት እንደደረሰባቸው የተለያዩ ጥናቶች ያስረዳሉ፡፡

በነበረው ግጭት ሴቶች መደፈርን ጨምሮ ሌሎች ስነልቦናዊና አካላዊ ጉዳት ደርሶባቸዋል፡፡

እነዚህ ሴቶች ጾታዊ ጥቃት ከደረሰባቸዉ በኋላ ተመልሰው ከዚህ ቀደም ከሚኖሩት ማህበረሰብ ጋር ኑሯቸውን መግፋ እንደሚከብዳቸው የነገሩን በደብረብርሃን ዩኒቨርሲቲ የማህበረሰብ ሳይንስ መምህርና በዚህ ጉዳይ ጥናት ያደረጉት አቶ ዘረብሩክ ዘውዱ ናቸው፡፡

የደረሰባቸዉን ጥቃት ማበረሰቡ በራሱ በበቂ ሁኔታ አልተረዳውም የሚሉት መምህሩ የተለያዩ ተቋማትና የተለያዩ በየዘርፉ የተሰማሩ ባለሙያዎች ጥናት ስላደረጉበት ብቻ ጉዳዩን በጥልቀት ማህበረሰቡ ተረድቶታል ማለት አይደለም ይላሉ፡፡

በአንድ ወቅት በተደረገ ጥናት እሳቸውም በተሳተፉበት በሰሜኑ ጦርነት ምክንያት በትግራይ ክልል ከ700 በላይ ሴቶች የደረሰባቸውን ጥቃት አስመልክቶ ሪፖርት ማድረጋቸው ተናገረዋል፡፡