የኤሌክትሪክ ሃይል መቋረጥ ያጋጠመው በማስተላለፊያ መስመሮች ላይ በተከሰተ ችግር እንደሆነ ተነገረ

መጋቢት 20፣2016

ትናንት ለተወሰኑ ሰዓታት በአብዛኞቹ የኢትዮጵያ አካባቢዎች የኤሌክትሪክ ሃይል መቋረጥ ያጋጠመው በማስተላለፊያ መስመሮች ላይ በተከሰተ ችግር እንደሆነ ተነገረ፡፡

በማስተላለፊያ መስመሮች ላይ የተከሰተው ችግር ከማመንጫዎች የወጣውን ኤሌክትሪክ ወደ ብሄራዊ መቆጣጠሪያ ማዕከል ወይም ግሪድ ማስገባት እንዳይቻል አድርጎ ነበር ተብሏል።

የተፈጠረውን ችግር የተቋሙ ሞያተኞች ሁለት ሰአት ባልሞላ ጊዜ አስተካክለው ሃይል የተቋረጠባቸው አካባቢዎች በሙሉ ዳግም ኤሌክትሪክ እንዲያገኙ ማድረጋቸውንም የኢትዮጵያ ኤሌክትሪክ ኃይል፤ የኮሙኒኬሽን ዳይሬክተር አቶ ሞገስ መኮንን ነግረውናል።

የኤሌክትሪክ ኃይል ተቋርጦባቸው የነበሩ ሁሉም የኢትዮጵያ አካባቢዎች ከትናንት ምሽት አንድ ሰአት ጀምሮ ዳግም ሃይል ማግኘት መጀመራቸው ተነግሯል።

ንጋቱ ረጋሣ

#Ethiopia #ShegerWerewoch #የኤሌክትሪክ_ኃይል_መቋረጥ #ብሄራዊ_ኤሌክትሪክ_ኃይል_መቆጣጠሪያ_ማዕከል #ግሪድ #Electric_Grid

የሸገርን ወሬዎች፣ መረጃ እና ፕሮግራሞች ይከታተሉ…

Telegram: https://tinyurl.com/yc6tfzsw

Website: https://www.shegerfm.com/

Tiktok: https://bit.ly/44Dd6Il