አካል ጉዳተኞች በትምህርት፣ በጤና ፣ በመሰረተ ልማት ላይ እኩል ተጠቃሚ እየሆኑ አይደለም ተባለ

ሐምሌ 1 2017

ኢትዮጵያ የአካል ጉዳተኞችን መብቶች ለማስጠበቅ የተለያዩ ህጎችና ድንጋጌዎች ብታወጣም በአግባቡ የማይተገበሩ በመሆኑ አሁንም አካል ጉዳተኞች በትምህርት፣ በጤና ፣ በመሰረተ ልማት ላይ እኩል ተጠቃሚ እየሆኑ አይደለም ተባለ፡፡

ይህንን ያስቀራል የተባለው የአካል ጉዳተኞችን ጉዳይ የተመለከቱ ህጎች በአንድ ተጠቃለው የሚገኙበት ብሔራዊ የአካል ጉዳተኞች ፖሊሲና የአካል ጉዳተኞች አዋጅ ተሰናድቶ እየታየ ነው ተብሏል፡፡

የአካል ጉዳተኞችን መብቶች ለማስከበር የወጡ ህጎች ቢኖሩም ስለ አፈፃፀማቸው በሚደረግ ማጣራት ግን አብዛኛዎቹ ተቋማት ተፈፃሚ እንደማያደርጉት አረጋግጫለሁ ሲል የሴቶችና ማህበራዊ ጉዳይ ሚኒስቴር ተናግሯል፡፡