Loreta Tominović kako mola živila je va Koromačni. Ekonomsku školu je finila va Riki, a počela je delat na Istratransi pa va fabriki va Koromačni. Z mužen Franketen i dicu Elvison i Rominon stola je poli Višković. Muž je šo va Meriku 1989., ma njoj i dici ni bilo lahko prit zad njin. Drugo leto otprla su se i ta vrota, ma na jedon teži način. Do New Yorka je prišla preko Toronta i Detroita. Kako i drugi, mislila je da će se brzo tornat doma. Ma, navadila je i ona engleski, a delala je od čistačice, preko kuharice restorana Kluba Rudar do restorana poznate kuharice Lidije Bastijanich. Pokle bolesti se je zaposlila kako osobni asistent jene šinjore ka je puno od nje iskala, a danas se bavi s nekretninama va Meriki, a va Rapci ima apartmane...
Comments
Pozdrav