Libero Soldatić rojen je va Jasenoviku poli Šušnjevice. Neimaština i težak život 1956. dopeljala ga na drugu bondu od svita, va Sydney va Australiji. Libero je oženjen za Daisy, koj su mat i otac od Podgore va Dalmociji, ali je zgojena kako posvojeno dite va jenoj australskoj fameji. Oni dvo imaju 5 dice i 7 nuki. Va Australiji je Libero dela va građevini i vajka je bi aktivan tamo va Klubu Istrana. Od kad je šo ća, čuda let ni bi va storen kraji. Torno se je 1981. leta i teško mu je bilo vidit svoje selo ko propada, ljude ki su prišli stori. Vajka je pomoga svojoj zemlji, za vrime rata, a velo srce pokozo je i za Kuću svjetlosti va Cukrićima. Ovo je Litrat čovika kega sako leto z njegovu Daisy moremo vidit tu poli nas, neka je Australija dugo.
Comments