Keep up to date with every new upload!

Join free & follow Radio Maubere
Dada lia ho Camarada SG Mari Alkatiri kona ba perfil Chefe de Estado

Dada lia ho Camarada SG Mari Alkatiri kona ba perfil Chefe de Estado

Camarada Efrem dos Anjos koalia ho Camarada Secretário-Geral Mari Alkatiri iha programa «Lideransa ho Povu». Tópiku ba programa ida ne'e mak «Perfil Chefe do Estado».

Comments

Alex Tilman

Entrevista kapás. Parabéns Radio Maubere, Efrem ho Ferdi, ba servisu di'ak ida ne'e. Dr. Mari Alkatiri, Sec. Jerál FRETILIN, nia pontu importante balu mak ne'e:
1. Kandidatu FRETILIN nian, Dr. Lu Olo, iha kualidade di'ak atu sai prezidente la'ós de'it tanba nia iha lisensiatura iha lei, maibé tanba ninia experiénsia durante tinan 24 iha rezisténsia, ninia experiénsia iha prosesu harii nasaun RDTL hanesan prezidente assembleia konstituinte ne'ebé prezide iha prosesu hakerek Lei Inan, ninia experiénsia nu'udár prezidente primeiru parlamentu, no experiénsia seluk tan ne'ebé mak Dr. Lu Olo hetan durante nia kaer ninia knaar iha Estadu RDTL. Dr. Lu Olo mós ema ida iha sentidu de estadu, iha prinsípiu ne'ebé metin, ema ho karákter forte atu defende interese nasaun nian antes interese sira seluk.
2. Lisensiatura la'ós fatór ne'ebé determina prezidente ida ninia kapasiade.
3. Argumentu katak prezidente ne'ebé di'ak liu mak ida be mai husi kandidatu independente, ida ne'e mitu ida i ita nia experiénsia ho prezidente na'in rua uluk ne'e rai ba ita hanesan evidénsia ho prova. Porezemplu, Xanana sai prezidente liu husi kandidatura independente maibé ikus mai hamutuk fali ho partidu opozisaun hodi halo opozisaun hasoru FRETILIN. Xanana nia opozisaun hasoru FRETILIN ne'e mak ikus materializa iha partidu CNRT. Ita bele dehan katak partidu CNRT ne'e mosu tiha ona durante prezidénsia Xanana nian iha 2002-2007. Kona fali ba Prezidente Ramos-Horta mós hanesan de'it, ne'ebé buka hakbesik liu ba AMP maibé hadook an husi partidu opozisaun.
4. Ema sira ne'ebé tenta hafo'er FRETILIN no Dr. Alkatiri nia naran, sira halo tanba sira haree duni katak Dr. Alkatiri ne'e importante tebetebes iha polítika nasaun RDTL nian. Se lae karik, sira temi bebeik nia naran atu halo saida? Depois, sira ne'ebé temi dehan FRETILIN "falsu", ida ne'e mós hanesan. Se sira sente dehan sira mak FRETILIN "verdadeiru" nusá mak sira la avansa? Nusá mak povu kontinua vota ba FRETILIN ne'ebé sira dehan "falsu"?

Boa Ventura

hau nia speaker mak la diak, agora hau rona ona obrigado. hee.

Boa Ventura

rona lamos boot ne`e.

Arsenio Bano

Camarada Efrem dos Anjos koalia ho Camarada Secretário-Geral Mari Alkatiri iha programa «Lideransa ho Povu». Tópiku ba programa ida ne'e mak «Perfil Chefe do Estado».