Keep up to date with every new upload!

Join free & follow Radio Kiskeya
Share
Koneksyon - 241012 - Pi gwo konpayi telefòn peyi a ap voye move siyal

Koneksyon - 241012 - Pi gwo konpayi telefòn peyi a ap voye move siyal

Playing tracks by

Gotson Pierre / Harold Isaac.

Enkyetid ki te manifeste depi kèk semèn parapòta move siy ki te parèt sou fizyon Digicel-Voilà a vin konfime.

Alòske 2 rezo yo vin fè yonn, anba labanyè Digicel, anpil moun ap plenyen pou move kalite sèvis. Kit se ansyen kliyan Voilà, kit se moun ki te toujou kliyan Digicel, yo nan tèt chaje pou kominike.

Pou kounye a, dapre reskonsab Digicel, plis pase 500.000 ansyen abone Voilà deja pase sou rezo Digicel la. Gen plizyè santèn milye lòt ki gen yon telefòn nan men yo ki pa vo anyen.

Semèn pase deja, nou te enimere an lon e an laj, divès pwoblèm ki poze nan operasyon sa a epi pwoblèm sa bay, nan yon moman kote telefòn pòtab la vin yon zouti esansyèl nan kominikasyon rapid.

Nou konnen Digicel vin yon pwa lou sou mache telefonik la ak plis pase 4 milyon abone, ki fè anviwon 80% mache a.

Èske sa bon pou mache a jisteman ? Kesyon an sou tapi a. N a jwenn yon repons talè pandan n ap pataje enfòmasyon sou plizyè kesyon.

Comments