Keep up to date with every new upload!

Join free & follow Radio Kiskeya
Share
  • 32
  • 6 years ago
Koneksyon - 191212 - Konferans sou règleman entènasyonal Entènèt la fini mifig mirezen

Koneksyon - 191212 - Konferans sou règleman entènasyonal Entènèt la fini mifig mirezen

Playing tracks by

Gotson Pierre / Harold Isaac.

Konferans Inyon Entènasyonal Telekominikasyon (UIT) sou règleman pou yo aplike nan fonksyonman Entènèt la fini 14 desanm nan Dubai.

Apre 11 jou diskisyon ant reprezantan Leta atravè planèt la, woumble a fini mifig, mirezen.

Dokiman yo te diskite sou li a, ki rele Règleman Telekominikasyon Entènasyonal (RTI) pa satisfè tout zotobre ki t ap patisipe yo. Poutèt sa, gen 55 peyi kip a siyen l, pami yo Etazini ak peyi Inyon Ewopeyèn yo.

Nannan dokiman sa a, se posiblite tabli yon gran sistèm pou siveye sa k ap fèt sou Entènèt onivo mondyal.

Se aspè sa a ki enkyete òganizasyon k ap goumen pou Entènèt la rete libelibè.

Paregzanp, enstitisyon ameriken ki rele “Center for Democracy & Technology” di li gen gwo kè sote pou konstate kouman sèten Leta fin wè mò nan volonte pou kore kontwòl ak siveyans Entènèt la.

Menm kote a tou, nan fowòm ki devlope sou Entènèt sou sijè sa a, yo fè remake nan dosye sa a sanble gen yon opozisyon peyi nò ak peyi sid.

Comments