Now playing...
Up next...
0:00:00
-6:41
Pwogram bank vityèl atravè telefòn selilè a pral rive nan Jamayik. Minis endistri, envestisman ak komès la, Anthony Hylton, anonse sa semèn sa a.
Li di gouvènman an ap travay pou tabli sistém yo rele « lajan mobil » la nan Jamayik pou pèmèt konsomatè yo itilize telefòn pòtab yo tankou yon kanè bank. Ofisyèl la fè konnen gouvènman an ap lanse yon pwojè pilòt nan sans sa a an kolaborasyon ak Bank Devlopman Jamayik. Dapre Hylton, labank mobil la pral pèmèt konsomatè yo tcheke ki kantite lajan yo gen sou kont yo nan labank, l ap pèmèt fè kèk acha epi y ap kab fè transfè oubyen resevwa transfè tou. Konsa, dapre reskonsab la toujou, enstitisyon k ap fè micro-finans yo kab benefisye, piske depans pou tranzaksyon yo ap diminye. Konsomatè final la ap benefisye, sa ap ankouraje aktivite ekonomik epi amelyore lavi moun ki nan bezwen yo : se sa minis la espere. Uploaded 10 months ago - Featuring tracks by Gotson Pierre / Harold Isaac Report this Cloudcast |  Do you like us? |
X
